Утрово загина жена во пожар во куќа во Стар Дојран, соопшти МВР. Според регионалниот Центар за управување со кризи на Струмица, пожарот го зафатил покривот и еден спрат на куќата.
„На 06.08.2022 во 07.20 часот во СВР Струмица било пријавено дека настанал пожар во куќа на улицата Маршал Тито во Стар Дојран. Пожарот бил изгаснат од екипа на територијалната противпожарна единица, по што во куќата било пронајдено починато женско лице. Увид бил извршен, а по наредба на Јавен обвинител телото ќе биде дадено на обдукција“, соопшти МВР.
Пожарот го изгасија пожарникарите од Гевгелија и Дојран.
В. ТРАЈКОВ
