На истражувањето на локалитетот на античкиот римски град Помпеја во Италија, багерите ископаа античко светилиште, опкружено со идилични слики со растенија, змии и паун.
Главниот археолог на истражувањето, Масимо Осана вели дека храмот е исклучителен, не само поради неверојатната декорација на ѕидовите, туку и поради фактот дека бил многу добро сочуван.
Светилиштето познато како ларариум, е вградено во ѕид на куќа и е декорирано со слики на римски богови, на кои биле посветени ритуалите во домаќинството. Собата, како и целата куќа, сѐ уште не е целосно ископана, но од досегшните наоди утрвдено е дека има и градина и мал базен. Во олтарот на светилиштето има изгорени остатоци стари речиси 2.000 години.
Светилиштата биле вообичаен дел од римските живеалишта.
Како и повеќето римски ѕидни слики, муралот содржи Елементи на визуелна илузија: насликаниот паун изгледа како да оди низ реална градина (Фото: ЕПА )
„На некој начин, секоја куќа имала ларариум. Но само побогатите луѓе можеле да си дозволат ларариум внатре во специјална соба, со базен и раскошни декорации“, рече Ингрид Роуланд, професорка на Униврзитетот на Нотрдам.
Како и повеќето римски ѕидни слики, муралот содржи елемени на визуелна илузија: насликаниот паун изгледа како да оди низ реална градина, а змијата се влече по крајот на рамката.
Змии, птици и дрвја се типични за ваков вид на светилишта. Според Осана, јајцата кои се насликани во олтарот симболизираат плодност, а пак изгорените остатоци кои се најдени веројатно се производи од храна, кои исто така се симболи на плодноста како јајца, јаткасти производи и смокви.
Осана вели дека првото истражување на локалитетот датира од 1748 година, и оттогаш повеќете биле деструктивни, бидејќи археолозите во минатото не биле многу внимателни во работатат и документирањето.
Професорката од Кембриџ, Мери Биард вели дека една третина од Помпеја е неистражена и дека е возбудливо очекувањето да се види какви се не откритија ќе следат во иднина со развојот на новите технологии.
