ВО ЏАМИЈА ВО БЕРЛИН ЗАЕДНО СЕ МОЛАТ МАЖИ И ЖЕНИ, ХОМОСЕКСУАЛЦИ И ТРАНСРОДОВИ

    ВО ЏАМИЈА ВО БЕРЛИН ЗАЕДНО СЕ МОЛАТ МАЖИ И ЖЕНИ, ХОМОСЕКСУАЛЦИ И ТРАНСРОДОВИMaжи и жени се молат заедно во џамијата Ибн Рушд-Гете во Берлин (Фото: Би-Би-Си)

    Свети Јоханес во Берлин однадвор изгледа како обична протестантска црква од 19-иот век, со камбанерија од црвенa тула и обоени стаклени прозори. Но кон задниот дел на црквата, по неколку скали, се наоѓа едноставно бела просторија, на чиј влез стојат ред чевли уредно наредени, и здиплени молитвени килими во еден крај од собата.

    Сето ова затоа што собата во суштина е џамија. Таа е дадена под кирија, додека црквата останува активна. Но, оваа џамија не е необична само поради својата локација. Луѓето кои што доаѓаат во џамијата во Берлин, се молат сите заедно, односно и мажи и жени во иста просторија. На жените им е дозволено да учествуваат на петочните молитви, и хомосексуалците и трансродните лица се истотака добредојдени.

    „Нашата џамија, Ибн Рушд-Гете, е отворена за секого“, вели основачот на џамијата Сејран Атес, Германка со турско потекло, адвокат и активист за правата на жените. „За сите, без разлика нивниот начин на живеење. Ние не сме Господ. Не одлучуваме кој е добар или лош муслиман.“

    На прашањето за муслиманите кои веруваат дека хомосексуалноста е грев, Атес рече: „На сите муслимани кои сметаат дека не може да се биде геј или еманципирана жена и притоа да бидеш муслиман, би им одговорила: Не може да си хомофобичен, мизогин, јудеофобичен и да глумиш муслиман.“

    Атес има добиено стотини закани со смрт од екстремисти, претежно од Турција и арапскиот свет. Некои закани беа поттикнати од турските медиуми, кои покажувале како Куранот бил фрлен на под и новинари газеле по него.“

    Џамијата Ибн Рушд-Гете е дел од растечкото движење познато како инклузивен ислам. Постојат либерални исламски заедници и инклузивни џамии насекаде низ светот во најразни локации. Една од првите инклузивни џамии беше основана во Париз во 2012 од Лудовик- Мохамед Захед, геј имам од Алжир кој живее во Франција со својот партнер. Во соработка со Атес, тој работи кон основање на повеќе инклузивни џамии низ светот.

     

     

     

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира