1,2 МИЛИОНИ ДЕНАРИ ОД ХУМАНИТАРНИОТ ХЕПЕНИНГ НА „АЛКАЛОИД“ ДОНИРАНИ ЗА ЧИСТ ВОЗДУХ

    1,2 МИЛИОНИ ДЕНАРИ ОД ХУМАНИТАРНИОТ ХЕПЕНИНГ НА „АЛКАЛОИД“ ДОНИРАНИ ЗА ЧИСТ ВОЗДУХНа хепенингот беа собрани околу 1,2 милиони денари, а оваа година парите ќе бидат донирани на граѓанската иницијатива „О2“, за да им помогне во борбата за чист воздух и здрава животна средина.-Генералниот директор на „Алкалоид“ Живко Мукаетов и Ели Пешава претставник на „О2 Иницијатива“.

    Здравјето е врзано со воздухот што го дишеме и со здрава животна средина е пораката од традиционалниот девети хуманитарен хепенинг на компанијата „Алкалоид”, кој се спроведува под закрила на фондацијата „Трајче Мукаетов”. На хепенингот беа собрани околу 1,2 милиони денари, а оваа година парите ќе бидат донирани на граѓанската иницијатива „О2“, за да помогне во борбата за чист воздух и здрава животна средина.

    „Кога се решаваше прашањето за намената на годинашната донација, кај сите консултирани веднаш добивавме акламација истата да биде наменета за борба против загадувањето. Проблемот со загадувањето на животната околина е горлива тема која непосредно нѐ засега сите нас. Ако чистата животна околина значи здравје и претставува колективна одговорност, тогаш верувам дека нашиот партнер на овој настан, граѓанската иницијатива ‘О2’ е легитимно избран и дека денешната донација ќе ја искористи за една навистина благородна цел, подобрување на квалитетот на животна околина, а со тоа и квалитетот на животот воопшто”, рече Живко Мукаетов, генерален директор на „Алкалод”.

    Хуманитарниот хепенинг на „Алкалоид“ се одржа по девети пат.

    Од „Алкалоид” велат дека годинава на хуманитарниот настан свој придонес дале над три илјади вработени, гости и пријатели на компанијата.

    Ели Пешева, претставник и основач на „О2 Иницијатива”, рече дека живееме во градови со загаден воздух, вода и почва и дека тоа влијае на сите.

    “Да се заблагодарам што ‚Алкалод‘ нѐ одбра за партнер. Се обидуваме да ја зголемиме јавната свест и да ги поттикнеме институциите да преземат сериозни активности за намалување на загадувањето и последиците од него”, рече Пешева.

    Е. БОЧВАРОСКА

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари