Лидерот на опозицијата Никола Груевски му честиташе на премиерот Зоран Заев што потпишал дека нема да ја поддржи Тиранската платформа во неговиот говор во Собранието пред изборот на новата влада. Тој им честиташе и на демонстрантите од „За Заедничка Македонија“, претседателот Ѓорге Иванов и на неговата пратеничка група.
„Го поздравувам приземјувањето на мандаторот по однос на залетот во вознес за добивање на премиерската функција и тоа што потпиша дека нема да ја поддржи Тиранската платформа. Честитики за народот што протестираше против тоа со цел да ја зачува унитарноста на државата. Честитки за претседателот на државата, но и до пратеничката група на ВМРО-ДПМНЕ. Никој од нас не се бореше да им ускрати нешто на Албанците“, изјави Груевски.
По изборот на новата влада, пратеникот Никола Груевски веднаш си замина и не остана на коктелот.
