Со 62 гласа „за“ и петмина воздржани, Собранието ги избра замениците министри во Владата. На целодневната расправа за замениците присуствуваше опозициската ВМРО-ДПМНЕ, но за гласањето ја напушти салата.
На денешната расправа, пратениците од опозицијата не престанаа да прашуваат и за најавениот договор за добрососедство со Бугарија. Заев цел ден одговараше на секој пратеник што праша: „Ништо не сум договорил од она што претходно го сработила минатата влада. Одиме напред, само го довршуваме тоа што претходно било постигнато. Отвораме нови перспективи. Се ослободуваме од фрустрациите и стегите, никој не побарал од нас да се откажеме од нешто, ниту сака да ни земе или присвои нешто наше. Впрочем, договорот пред да се потпише ќе дојде на разгледување и одобрување од пратениците”, одговараше Заев.
За заменици министри во Владата на Заев се избрани:
- Беким Максути заменик министер за одбрана
- Агим Нухиу заменик министер на МВР
- Оливер Ристовски заменик министер за правда
- Арта Точи заменик министер на МНР
- Ширете Елези заменик министер за финансии
- Кире Наумов заменик министер за економија
- Власте Димковиќ заменик министер за земјоделство
- Владимир Лазовски заменик министер за култура
- Гоце Чакаровски заменик министер за здравство
- Јани Макрадули заменик министер за животна средина
- Висар Гани заменик министер за образование
- Елми Азири заменик министер за труд и социјална политика
- Дејан Павлески заменик министер за локална самоуправа
- Ремзи Мехмеди заменик министер за транспорт и врски
- Александар Бајдевски заменик министер за информатичко општество и администрација
С. К. ДЕЛЕВСКА
