Пратеникот од ВМРО-ДПМНЕ Драган Ковачки на денешното судско рочиште по тужба за клевета поднесена од министерката Славјанка Петровска дојде без документ за лична идентификација.

Министерката за одбрана вели дека „лажгото и манипулатор Ковачки“ на денешната главна расправа дошол без лична карта и пасош затоа што се плаши од прашањата кои ќе му бидат поставени за изнесените лаги.

„Тој кој пред два месеци обвинуваше дека некој друг се криел позади женска сукња, денес се исплаши од вистината и правдата. Подмолно, како што и му личи одби да се соочи со прашањата кои требаше да му бидат поставени. Замислете, дојде во судница без документ за идентификација, без лична карта или пасош. Само за да не му бидат поставени прашата кои ќе ја разобличат неговата лага. Лесно е да се зборуваат лаги, ама тешко е да се соочиш со вистината.

Ковачки изјавуваше дека Петровска има скриен имот, односно хациенда во населбата Радишани.