НАД 10.000 МАКЕДОНСКИ ДРЖАВЈАНИ НА ПРОДОЛЖЕН ВИКЕНД ВО ГРЦИЈА

    НАД 10.000 МАКЕДОНСКИ ДРЖАВЈАНИ НА ПРОДОЛЖЕН ВИКЕНД ВО ГРЦИЈАСпоред македонските погранични служби, уште од вчера попладне почнала навалица од патници кон Грција, а денеска до 10 часот државата ја напуштиле околу 10 илјади македонски државјани (Фото: СДК.МК)

    Околу еден час се чека утрово на граничниот премин Богородица за излез од Македонија кон Грција. Патниците претежно од Македонија чекаат пола саат за пасошка контрола на македонската страна од преминот, а уште толку и на грчка страна. Според македонските погранични служби, уште од вчера попладне почнала навалица од патници кон Грција, а денеска до 10 часот државата ја напуштиле околу 10 илјади македонски државјани.

    „Уште во 3 часот ставени се во функција сите пет излезни ленти и задржувања на пасошка контрола нема. Патниците поради големата гужва чекаат околу половина час. Според нашата евиденција, од вчера попладне границата ја поминале околу 12 илјади патници од кои најмногу македонски државјани или приближно 10 илјади. Ваква ситуација очекуваме и во недела попладне“, ни изјави Миле Тошев командир на полицијата на Граничниот премин Богородица.

    Македонските граѓани како дестинација ги избрале најчесто хотелите и апартманите на првиот крак Касандра на Халкидики, каде ќе престојуваат до недела.

    За разлика од Богородица, нема гужва на граничниот премин Дојран.

    В. ТРАЈКОВ

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира