Од денес до завршување на изборите на 8 мај  граѓаните ќе можат да пријават каква било повреда на избирачкото право на бесплатната телефонска линија 0800 54321 која ја отвори Народниот правобранител. Сите непрaвилности граѓаните ќе можат да ги пријават во текот на предизборниот период како и на деновите на гласањето.

Телефонската линија ќе функционира секој работен ден од 8 до 16 часот и по пријавите на граѓаните ќе се постапува веднаш, по примениот повик, или на снимената телефонска порака.

„Народниот правобранител, со цел заштита на избирачкото право на граѓаните ќе презема итни мерки за ефективно постапување од странa на надлежните органи вклучени во изборниот процес и од другите институции кои се должни да им обезбедат заштита и остварување на загарантираните права на граѓаните“, велат од канцеларијата на Народниот правобранител.