НЕМАШЕ НИКАКВО ПУКАЊЕ ВО БОЛНИЦАТА, БЕА ДОНЕСЕНИ ДВЕ ПОВРЕДЕНИ ЛИЦА, ВЕЛИ ДИРЕКТОРОТ НА СТАРА ГРАДСКА АРСЕНКОВ

    НЕМАШЕ НИКАКВО ПУКАЊЕ ВО БОЛНИЦАТА, БЕА ДОНЕСЕНИ ДВЕ ПОВРЕДЕНИ ЛИЦА, ВЕЛИ ДИРЕКТОРОТ НА СТАРА ГРАДСКА АРСЕНКОВПред болницата имаше возило на гранична полиција, но нема потврда дали тоа е поврзано со пукањето во село Љубош. (Фото: СДК.МК)

    Во болница немаше никаков инцидент, ниту пукање, вели за САКАМДАКАЖАМ.МК директорот на Универзитетската клиника по хируршки болести „Свети Наум Охридски“ д-р Љубен Арсенков, откако повеќе медиуми известија за наводен инцидент пред зградата на старата градска болница во Скопје, без да наведат извор на информацијата.

    Во болницата попладнево биле донесени две повредени лица, кои се здобиле со повреди од огнено оружје при пресметка надвор од кругот на болницата. Пред болницата забележавме возило на граничната полиција со запалени ротациони светла, но нема потврда дали тоа е поврзано со инцидентот.

    „Немаше никаков инцидент, двете лица беа донесени повредени. Едниот беше со прострелна рана во пределот на стомакот и на него во моментов се изведува операција. Второто лице беше со повреда во пределот на лицето и тоа е препратено на Клиниката за максилофацијална хирургија“, вели директорот Арсенков.

    Од Министерството за внатрешни работи велат дека инцидентот  се случил во селото Љубош денеска околу пладне.

    „Во СВР Скопје било пријавено дека пред деловен објект во село Љубош бил нарушен јавниот ред и мир помеѓу К.Н. и К.Х., од една страна и Н.Р. и М.Р., од друга, при што било употребено и огнено оружје. Притоа со повреди се здобиле К.Н. и М.Р., кои биле пренесени во Градската општа болница „Св.Наум Охридски“ за укажување на лекарска помош. Чеитите лица се обезбедени, како и нивните возиола и оружјето, а по целосно расчистување и документирање на случајот ќе биде поднесен соодветен поднесок“, велат од МВР.

    А. АНТЕВСКА

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира