ОД КОРОНАВИРУС ПОЧИНА 66-ГОДИШНА ПАЦИЕНТКА ОД ДЕБАР, КАЖА ФИЛИПЧЕ

    ОД КОРОНАВИРУС ПОЧИНА 66-ГОДИШНА ПАЦИЕНТКА ОД ДЕБАР, КАЖА ФИЛИПЧЕМинистерот за здравство на седница на кризниот штаб во Влада.(Фото: Влада на РСМ)

    Пациентаката од Дебар која подолго време беше на респираторна машина почина пред неколку часа на Инфективната клиника во Скопје, кажа министерот за здравство Венко Филипче.

    Пациентката имаше 66 години и примала хронична терапија за хипертензија. Во земјава досега починаа три лица од коронавирус.

    Дваесет и девет нови заболени со коронавирус се регистрирани во изминатите 24 часа, соопшти Министерството за здравство. По градови, новите пациенти со КОВИД-19 се од: Скопје (20), Куманово (3), Велес (3), Прилеп (2) и Дебар (1).

    Со ова, вкупната бројка на дијагностицирани пациенти со КОВИД-19 денеска до 12.00 часот изнесува 177 лица од кои 1 излекуван и 2 починати пациенти.

    Според местото на живеење, досега случаи на КОВИД-19 се регистрирани во: Скопје – 108, Дебар (41) – 1 починат, Куманово (11) – 1 починат, Штип (7), Велес (3), Кавадарци (2), Охрид (2), Прилеп (2) и едно лице во Гостивар.

    Б. НЕСТОРОСКА

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари