Во продолжение на сведочењето на „Рекет” првообвинетиот Бојан Јовановски-Боки 13 побара од обвинителството да отвори случај по допрен глас за шпиунажа од странски разузнавачки служби против Јордан Камчев, кој при сведочењето на ова судење кажа дека тој бил сценаристот на приватните негови снимки, а бугарските пријатели му помогнале. Праша, ако бил стварно рекетиран, зошто не пријавил на нашите институции? Зошто вмешувал странски служби да ме снимаат и да ја вовлекуваат преку мене Катица Јанева, која беше опасност за ВМРО-ДПМНЕ и за СДСМ?, праша тој.

„Јанева беше уценувана да си даде оставка. Таа ми кажа дека никогаш нема да си поднесе оставка, зашто ништо не направила незаконски. Мене не ми е јасно, зошто обвинителството не откри како излегоа тие снимки во Италија?”, прашуваше натаму Јовановски.

• ЗАЕВ МЕ ИЗМАНИПУЛИРА ДЕКА СТРАНСКИ ОБВИНИТЕЛ ИМАЛ СЀ ЗА МЕНЕ, СВЕДОЧИ БОКИ 13 НА „РЕКЕТ“
• КАЈ КАМЧЕВ ИМА СНИМКА ДЕКА МИЛЕСКИ МУ ЈА ВРАЌА ТОРБАТА, ЈАС НЕ СУМ ЈА ДОПРЕЛ, ТВРДИ БОКИ 13
• АНА КАМЧЕВА МИ БАРАШЕ ПОМОШ КАКО ДА ГО ТРГНЕ ОРЦЕ ОД НАТАША САВОВА, СВЕДОЧИ БОКИ 13 НА „РЕКЕТ“
• ЗОРАН МИЛЕСКИ Е КЛАСИЧЕН АГЕНТ-ПРОВОКАТОР, ИМАШЕ ДОГОВОРЕНА ПРЕСУДА ЗА ДА СЕ МОНТИРА ИЗМИСЛЕНИОВ СЛУЧАЈ ВИЛМА, ТВРДИ БОКИ 13 НА „РЕКЕТ“
• „РЕКЕТ“ Е НАПРАВЕН ЗА ДА СЕ СПАСИ КАМЧЕВ, РУСКОВСКА МИ БАРАШЕ ДА ПРАЌАМ НОВИНАРИ КАЈ ЛУЃЕ ШТО Ѝ СЕ ОДВРАТНИ, КАЖА БОКИ 13 НА СУДЕЊЕТО
• СО СУДИИТЕ И ОБВИНИТЕЛИТЕ БЕВ ГОСТОПРИМЛИВ ВО ТЕЛЕВИЗИЈАТА, КАКО ШТО Е РЕД ВО ДОМАЌИНСКА КУЌА, ЈА ПОЧНА ОДБРАНАТА БОКИ 13 НА „РЕКЕТ“

Потоа праша: „Која е логиката да ми дава мене пари и да ја вмешува Катица, кога Врховниот суд отвори постапка и се знаеше дека ќе ги запре сите истраги на СЈО, вклучително и Империја. Па се фалеше Камчев, него Јово ќе го пуштел. Се знае кој Јово, не е Јово комшијата, не Јово водоводџијата“, кажа Боки 13.

„Од Орце не можеш 50 денари да земеш, а не пак 1,5 милион евра“, негира Јовановски цело време во денешниот исказ дека го рекетирал Камчев, одговарајќи на директни прашања, по кои следуваат вкрстените што ќе ги поставува обвинителката за организиран криминал Вилма Русковска.

На барање на Русковска, судијката Васка Николовска-Масевска го опомена Јовановски да не ја нарекува само „Вилма”.

„Се извинив веднаш, а ако треба и ќе се поклонам”, кажа Боки 13.

„Дозволете му да се поклони судија, ако толку веќе сака”, рече Русковска.

„Обвинителке ви се поклонувам што ѝ го зазедовте местото на Катица Јанева, кое толку го сакавте”, се поклони Боки кон Русковска.

Потоа почна да зборува за комуникација со Драги Рашковски, но судијката го прекина, бидејќи тој нема врска со обвинението. Русковска тука рече: „Ете колку не е вештачен неговиот мобилен. Ова што го чита е токму од вештачењето на неговиот телефон, што кажува дека обвинетиот цело време не ја говори вистината“.

С. К. ДЕЛЕВСКА