Непосредно пред точката за разрешување на обвинителот Марко Зврлевски, пратениците од ВМРО-ДПМНЕ масовно се пријавија за збор на денешната седница, за точката на која што треба да се дискутира за давање зелено светло на Народниот правобранител Иџет Мемети за можноста сам да вработува, неврзан со законите за јавна и државна администрација.

За збор се пријавија 35 пратеници од оваа партија, која што уште нема пратеничка група и затоа има право секој од пријавените покрај дискусија, да бара и процедурални забелешки и реплики, што во пратеничките групи како право го имаат само координаторите.

Со тоа, разрешувањето на Зврлевски може да се одолговлечи со денови, ако некој од пријавените не се откажа од правото да дискутира и реплицира.

С. К. ДЕЛЕВСКА