Два конкурса за прием на професионални војници во АРМ во 2018 и подобрување на условите и средствата за работа, најави денеска министерката за одбрана Радмила Шекеринска, при посетата на специјалната единица „Волци“ во Полкот за специјални операции на АРМ во касарната „Илинден“.

„Буџетот за 2018 година кој официјално влезе во собраниска процедура, потврдува дека Владата и јас како министер ќе го реализираме она на што се обврзавме, а тоа е после толку години, да обезбедиме средства за зголемување на платите на сите оние кои се во служба на Армијата на Република Македонија, во износ од десет проценти“, рече Шеќеринска.

Таа рече дека при реформите во Армијата и одбранат мора да се инсистира на професионални, објективни стандарди.

„Припадниците на армијата мора да знаат дека ќе бидат ценети според својата способност и знаење, а не според фаворизирање, било на поединци или на политички партии“, рече Шеќеринска.