Германската Бундеслига ќе биде прво големо фудбалско првенство кое ќе продолжи среде пандемијата на коронавирусот.

Канцеларката Ангела Меркел потврди дека фудбалската сезона во Германија ќе продолжи овој месец, при што како можен термин се споменува 16/17 мај. Лигата беше прекината на 11 март, при што на клубовите им преостанува да одиграат уште по девет или десет кола. Сите мечеви ќе се играат пред празни трибини.

И Шпанија и Англија се надеваат дека ќе продолжат со елитниот фудбал следниот месец, додека Франција и Холандија ги прекинаа првенствата.

Во меѓувреме беа тестирани сите играчи и тренери од 36-те клубови од првата и втората Бундеслига, при што биле откриени 10 позитивни случаи на коронавирус.