Тотенхем го отпушти тренерот Маурисио Покетино, само шест месеци откако го одведе до финалето на Лигата на шампионите првпат во историјата на клубот.
Аргентинскиот стручњак го презеде Тотенхем во мај 2014 и под негово водство клубот стана конкурент за титулата во Премиерлигата, но сезонава слабо стартуваше и моментално се наоѓа на 14. место.
„Многу се двоумевме околу оваа промена. Бордот не ја донесе лесно одлуката, но првенствените резултати на крајот на минатата и на почетокот на оваа сезона се многу разочарувачки“, изјави претседателот на Тотенхем Даниел Ливи.
Покетино го освои Лига купот со Тотенхем, а импресивните резултати го поврзуваа со Реал Мадрид и Манчестер јунајтед.
