Лионел Меси нема да може да настапи на следните четири квалификациски натпревари на Аргентина за Светското првенство во Русија, почнувајќи со денешниот меч против Боливија. ФИФА соопшти дека фудбалската ѕвезда е суспендирана за вербално злоставувaње на помошник судија за време на квалификацискиот меч со Чиле минатиот четврток.

ФИФА интервенираше иако иницидентот не беше првично пријавен од бразилскиот судија по победата на Аргентина од 1:0 на стадионот „Монументал“ во Буенос Аирес. Телевизиските снимки покажаа како Меси реагира бесно во финишот од натпреварот, кога помошник судијата му досуди фаул. Тој мавташе со рацете и безобразно го навредуваше бразилскиот судија. По натпреварот, Меси одби да се ракува со помошникот.