Центарот за јавно здравје од Кавадарци информираше дека 32-годишен жител на Кавадарци, инаку фудбалер на Росоман, е позитивен на коронавирус. Неговите колеги од екипата биле негативни.

„Извршено е тестирање на сите фудбалери од екипата за нивни потреби и едно лице имаше позитивен брис на коронавирус. Останатите тестирани фудбалери се негативни“, изјави епидемиологот Ристе Јовановски од ЦЈЗ Кавадарци.

Екипата на Росоман, која е член на Третата фудбалска лига – Центар, се подготвува за бараж натпреварот против Слога Виница, кој в петок ќе се игра во Штип. Тоа е натпревар за пополнување на Втората фудбалска лига – Исток, каде ќе се пласира победникот од оваа средба.

П. ПЕЧКОВ