Српскиот тенисер Новак Ѓоковиќ го победи Италијанецот Матео Беретини со 6:7, 6:4, 6:4, 6:3 во финалето на Вимблдон и ја освои 20. гренд слем титула, израмнувајќи го рекордот на Роџер Федерер и Рафаел Надал.
Ова е шеста титула за Ѓоковиќ на Вимблдон и како што прави по секоја победа во финалето во Лондон, и овојпат јадеше од тревата на централниот терен. Претходно годинава, Ѓоковиќ ги освои и Австралија Опен и Ролан Гарос. До крајот на тениската сезона останува уште еден гренд слем, Ју-Ес Опен, кој се одржува на крајот на август и почетокот на септември.
34-годишниот Ѓоковиќ поведе со 5:2 во првиот сет, но 25-годишниот Беретини одбрани сет-топка и потоа направи пресврт и го доби сетот по тај-брејк. Светскиот рекет број еден ги доби наредните два сета со 6:4 и последниот со 6:3, правејќи брејкови на почетокот на сетовите.
Италијанецот имаше 57 „винери“ и 47 неизнудени грешки, наспроти 31 „винер“ и 21 неизнудена грешка на Ѓоковиќ.
