Најголемата ѕвезда на Реал Мадрид Кристијано Роналдо ги одигра само последните десетина минути од победата од 2:1 против Манчестер Јунајтед на синоќешниот Супер куп во Скопје, бидејќи се уште не е целосно подготвен поради продолжениот одмор што го доби од тренерот Зинедин Зидан.

По завршување на мечот, Роналдо со уште неколкумина соиграчи, остана на теренот на „Филип Втори“ да дадат изјави за медиумите и потоа си одржа мини тренинг од дваесетина минути, трчајќи од едниот до другиот крај на игралиштето. Пред да си замине, отиде кај публиката што остана да го гледа и го подари дресот на едно девојче.