УЕФА донесе одлука да се прекине натпреварувањето во Лигата на шампионите и Лига Европа поради кризата со коронавирусот.

Мечевите што требаше да се играат на 17 и 18 март се одложени, исто како и ждрепката за следното коло, што беше закажана за 20 март. Ова ќе ги опфати и осминафиналниите средби од Лигата на шампионите Манчестер сити-Реал Мадрид, Јувентус-Лион, Барселона-Наполи и Баерн-Челзи.

УЕФА за следниот вторник закажа итен состанок на сите 55 членки, на кој ќе се дискутира за судбината на Европското првенство. Една од опциите е негово одложување за 2021 година.