Двата македонските претставници во плејофот на Лига Европа пред малку ги добија противниците на ждрепката што се одржа во седиштето на УЕФА во Нион. Вардар се падна со турскиот тим Фенербахче, додека Шкендија ќе игра со италијанскиот тим Милан.

Вардар влезе во плејофот на Лига Европа, откако беше елиминиран од Копенхаген во квалификациите на Лигата на шампиони, додека Шкендија вчера го елиминираше Тракаи од Литванија во квалификациите на Лига Европа. Победниците во плејофот одат во фазата на групи на Лига Европа. Досега ниту еден македонски тим не се пласирал во групна фаза на европско фудбалско натпреварување.

Натпреварите се играат на 17 и 24 август. И двата македонски тима треба да бидат домаќини на првите меча, но можно е да има промени на тој план.