Американскиот производител на лекови „Мерк“ покрена постапка до Агенцијата за лекови на Канада за дозвола за користење на „молнупиравир“, орална антивирусна терапија против ковид-19. „Молнупиравир“ е лек кој го развиваат „Мерк“ и „Риџбек биотерапеутикс“ за лекување пациенти со ковид-19 кои не се за хоспитализација.

Резултатите од втората фаза од клиничките испитувања беа презентирани на Европскиот конгрес за клиничка микробиологија и заразни болести во јули.

Во тек е фаза 3 од испитувањето, т. е. проценка на користењето на лекот двапати дневно кај возрасни кои не се хоспитализирани, а се ковид позитивни, пет дена по појавата на симптомите.