ПУТИН НАРЕДИЛ ДА СЕ ВЛИЈАЕ НА ИЗБОРИТЕ ВО САД, ВЕЛИ ИЗВЕШТАЈОТ НА АМЕРИКАНСКИТЕ РАЗУЗНАВАЧИ

a:1:{s:9:"td_source";s:28:"Вашингтон,(ДПА)

    ПУТИН НАРЕДИЛ ДА СЕ ВЛИЈАЕ НА ИЗБОРИТЕ ВО САД, ВЕЛИ ИЗВЕШТАЈОТ НА АМЕРИКАНСКИТЕ РАЗУЗНАВАЧИ

    Рускиот претседател Владимир Путин наредил кампања за влијание на американските претседателски избори за да ја поткопа вербата во демократскиот процеси и да ѝ наштети на кандидатката на Демократската партија Хилари Клинтон, покажа проценката на американското разузнавање. Путин и руската влада го фаворизирале Доналд Трамп во нивните напори, кои вклучуваа хакирање на електронската пошта на Демократската партија и објавување документи на „Викиликс“, се вели во верзијата на јавноста на доверливиот извештај презентиран на американскиот претседател Барак Обама и Трамп.

    „Целите на Русија беа да се поткопа вербата на јавноста во демократскиот процес во САД, да се омаловажи Клинтон и да се наштети на нејзиното потенцијално претседателствување. Понатаму е утврдено дека Путин и руската влада развиле јасна наклонетост кон новоизбраниот претседател Трамп“, се вели во извештајот.

    Разузнавачките агенции ЦИА, ФБИ и НСА се убедени со голема сигурност дека Путин се обидел да влијае на изборите. Руското воено разузнавање ги дало информациите од хакираната електронска пошта на Демократската партија и оние на претседателот на кампањата на Клинтон, Џон Подеста, на „Викиликс“, наведено е во извештајот.

    Руските дејствија не вклучувале само хакирање, туку и пропагандна кампања, вклучувајќи и ширење на лажни вести. Обама го доби доверливиот извештај вчера, додека Трамп беше брифиран денеска.

    Трамп претходно изрази сомневање за откритијата на разузнавачите и по брифингот не кажа дали верува дека руски хакери стојат зад упадите.

     

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира