ТРАМП И КИМ ЏОНГ-УН ЌЕ СЕ СРЕТНАТ ВО МАЈ

    ТРАМП И КИМ ЏОНГ-УН ЌЕ СЕ СРЕТНАТ ВО МАЈСпецијалниот советник на претседателот на Јужна Кореја ја посети Белата куќа и ја пренесе пораката на Ким дека Северна Кореја е посветена на денуклеаризација (Фото: Ројтерс)

    Севернокорејскиот лидер Ким Џонг-Ун и Доналд Трамп лично ќе се сретнат во мај, беше официјално потврдено, што претставува историски пресврт по месеци и месеци непријателска реторика.

    Оваа вест ја објави Чунг Еуи-Јонг, специјалниот советник за национална безбедност на претседателот на Јужна Кореја, кој пред неколку дена имаше средба со Ким во Пјонгјанг. Тој на Белата куќа ѝ ја пренесол пораката на Ким дека Северна Кореја е посветена на денуклеаризација и дека ќе ги замрзне нуклеарните тестирања и претседателот на Јужна Кореја, Мун Џае-Ин, кажа дека ова дојде како вистинско чудо.

    „Доколку Трамп и Ким се сретнат по меѓукорејскиот самит, целосна денуклеаризација на Корејскиот Полуостров ќе може да почне да се остварува“, изјави Мун.

    Трамп го опиша развојот на настаните како голем напредок, додавајќи дека санкциите кон Северна Кореја ќе останат на сила додека не се постигне цврст договор.

    Засега нема навестувања каде ќе се одржи овој состанок, но Ким и Мун претходно ќе се сретнат во пограничната демилитаризирана зона.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари