ТУРЦИЈА ПРЕГОВАРА СО ТАЛИБАНЦИТЕ ДА ГО УПРАВУВА АЕРОДРОМОТ ВО КАБУЛ

    ТУРЦИЈА ПРЕГОВАРА СО ТАЛИБАНЦИТЕ ДА ГО УПРАВУВА АЕРОДРОМОТ ВО КАБУЛТурција како членка на НАТО го обезбедуваше аеродромот во последните шест години. (Фото: Гети)

    Турскиот претседател Реџеп Таип Ердоган рече дека неговата влада води директни преговори со талибанците за помош во управувањето на аеродромот во Кабул, по заминувањето на меѓународните сили на крајот на овој месец. Претседателот Ердоган рече дека турските власти разговарале со талибанците три и пол часа – сугерирајќи дека групата е отворена за тоа Турција да управува со аеродромот – но пред се со талибанците задолжени за неговата безбедност. Ердоган рече дека одлуката ќе се донесе откако ќе биде јасно кој е на власт во Авганистан и ќе се воспостави административната власт. Талибанските лидери за тоа преговараат со поранешните лидери на Авганистан.

    Прашањето за тоа како ќе се управува и обезбедува аеродромот во Кабул е клучно за иднината на земјата; САД веќе рекоа дека аеродромот мора да функционира за Авганистан да има некаква врска со светот.

    Турција е членка на НАТО и беше дел од силите на алијансата во земјата. Го обезбедуваше аеродромот во последните шест години.

    Но, Талибанците сакаат турските војници, заедно со сите меѓународни сили, да заминат. Ердоган рече дека и покрај разговорите, уште нема одлука за нивно присуство на аеродромот, предупредувајќи дека ќе бидат вовлечени во опасна ситуација по вчерашните напади на Исламска држава, во кои загинаа над сто луѓе кои чекаа да бидат евакуирани, меѓу кои и 13 американски војници.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира