Американските регулатори го одобрија за итна употреба првиот лек кој што изгледа дека им помага на некои пациенти со КОВИД-19 да оздрават побрзо, преседан во глобалната потрага по ефективна терапија против коронавирусот.
Агенцијата за храна и лекови (ФДА) го одобри лекот на „Гилиад Сајенсис“ ремдесивир за хоспитализираните пациенти во сериозна состојба, посебно тие што имаат проблеми со дишењето и им е потребна кислородна терапија или респиратор.
Претседателот Доналд Трамп ја објави веста во Белата куќа, заедно со директорот на „Гилиад“ Даниел О’Деј и комесарот на ФДА Стивен Хан.
„Ова беше одобрување со брзина на светлината“ кажа Хан.
ФДА делуваше откако прелиминарните резултати и од клиничката студија, спонзорирана од американската влада, покажа дека ремдесивир го скратува времето за оздравување за 31% или четири дена во просек, за хоспитализираните пациенти со КОВИД-19.
Оние кои го добиле лекот ја напуштаа болницата за 11 дена во споредба со 15 дена за пациентите од групата за споредба, кои не го примаа лекот. Лекот можеби спречува и смртни случаи, но тој ефект сè уште не е доволно голем за научниците да бидат сигурни.
Докторот Самир Каниџо, специјалист за интензивна нега, вели дека сака да види дополнителни студии за да се утврди користа на лекот.
„Уште не мисла дека е ова е лекот, но мислам дека е почетна точка да нè насочи во вистинската насока. Како општество, убаво би било да имаме нешто што ќе ни помогне да се справивме со оваа болест“, вели Каниџо од Универзитетската болница „Норт Шор“ од Њујорк.
ФДА сепак предупреди дека имаат само ограничени информации за безбедноста и ефективноста на ремдесивир.
Доктор Ентони Фаучи од Националниот иститут за здравје претходно кажа дека лекот може да стане нов стандард за лечење на критично болните пациенти со КОВИД-19. Ремдесивир, кој го блокира ензимот што вирусот го користи да го копира својот генетски материјал, не е тестиран на пациенти со блага форма на болеста.
