Народниот правобранител најостро го осудува насилствата во Собранието врз пратениците и новинарските екипи, и ги повикува надлежните институции, особено Министерството за внатрешни работи, веднаш да ги преземе сите мерки заради спречување на ескалација на настаните.
„Во една демократска земја нема место за насилство. Она што е сега потребно е да им се овозможи формирање на институциите затоа што легитимитетот се добива на избори, а не со насилство. Народниот правобранител повикува на разум особено кај лидерите на политичките партии кои токму сега треба да се одважат и да повикаат на смирување на страстите. Воедно Народниот правобранител апелира до граѓаните да не подлегнуваат на провокации“, соопшти канцеларијата на Омбудсманот.
