Општина Центар заедно со амбасадата на Русија ќе прават парк во чест на жртвите во Втората светска војна, зад Универзална сала во Скопје.

Градоначалникот Саша Богдановиќ и рускиот амбасадор во земјава Сергеј Баздикин денеска засадија дрвца на просторот кој треба да прерасне во парк, а се наоѓа во близина на спомен-обележје кое годинава беше поставено во чест на 9 Мај, Денот на победата над фашизмот.

„Предлог на Општина Центар е паркот да биде именуван ‘Парк на сеќавањето‘, кој ќе служи како потсетник на младите генерации за жртвите коишто биле дадени во Втората светска војна“, рече градоначалникот Богдановиќ.

Амбасадорот Баздикин кажа дека активноста е во рамки на настаните по повод 75-годишнината од Големата победа.

К. СЕЛАМОВСКА