За дочекот на Новата година на Плоштадот Македонија во Скопје ќе пее и Бени Шаќири заедно со групата „Нон стоп“. Шаќири беше кандидат за градоначалник на Скопје на локалните избор на ДОМ и ЛДП.

Во првичната најава за новогодишната програма од пред два дена, Бени Шаќири не беше меѓу домашните пејачи и групи кои ќе настапат. Денеска од Град Скопје објавија програма за дочекот во која стои дека од 22.30 часот настап ќе има Бени и „Нон стоп“.

Пред него ќе настапат раперите „Пука Козметика“ и групата „ДНК“. Од 23.30 настапува групата „Нокаут“, а по неа фолк пејачите Наум Петрески и Зуица Лазова.

Градоначалничката Данела Арсовска кажа дека од буџетот на Градот не се дадени пари за новогодишната прослава, туку пејачите се платени од три општествено одговорни компании.

А. АНТЕВСКА