Скопската Општина Центар нема да даде донација за изградба на црква во Берлин. На денешната седница на Советот на Општина Центар ниту еден советник не гласаше за предлогот доставен како точка на дневен ред. Десет советници гласаа против, а останатите не гласаа. Донација беше побарана од Македонската православна епархија во Европа – Берлин, македонска црковна општина „Св. Климент Охридски“.
Градоначалникот на Општина Центар Горан Герасимовски рече дека мора секое барање кое ќе стигне во Општината да го стави на гласање пред Советот, па затоа го доставил овој предлог кој и тој не го поддржува.
СДСМ има најмногу советници,9, во Советот, ВМРО-ДПМНЕ има 8 и по три независната листа на граѓани „Шанса за Центар“ и Левица.
- ОПШТИНА ЦЕНТАР ЌЕ ДОНИРА ПАРИ ЗА ИЗГРАДБА НА ЦРКВА ВО БЕРЛИН, ГРАДОНАЧАЛНИКОТ ГЕРАСИМОВСКИ НЕ ОБРАЗЛОЖУВА ЗОШТО Е ТОА ЈАВЕН ИНТЕРЕС
- НЕ ЈАС, ТУКУ СОВЕТНИЦИТЕ ЌЕ ОДЛУЧАТ ДАЛИ ОПШТИНА ЦЕНТАР ЌЕ ДАДЕ ПАРИ ЗА ЦРКВАТА ВО БЕРЛИН, ВЕЛИ ГЕРАСИМОВСКИ
А. АНТЕВСКА
