Рускиот министер за надворешни работи Сергеј Лавров денеска изјави дека на самитот меѓу САД и Русија во Алјаска на 15 август било јасно оти американскиот претседател Доналд Трамп и неговиот тим искрено сакаат да постигнат долгорочен и одржлив мир во Украина. Лавров рече дека атмосферата на самитот Путин-Трамп била „многу добра“.

„Беше јасно дека шефот на САД и и неговиот тим, пред се, искрено сакаат да постигнат резултат што ќе биде долгорочен, одржлив, сигурен“, изјави Лавров за државниот телевизиски канал „Росија 24“.

Лавров го спореди она што го нарече конструктивна позиција на САД со онаа на Европа, чии лидери вчера учествуваа на вонредениот самит во Белата куќа со Трамп и украинскиот претседател Володимир Зеленски за да разговараат за Украина. Лавров рече дека „Европејците… инсистираа на секој чекор само на прекин на огнот, а потоа ќе продолжат да ја снабдуваат Украина со оружје“.