Вечерва пукна цевка за вода во населбата Влае, по што пола од западниот дел на Скопје остана без вода. Без вода се и висококатниците во другиот дел од Градот, а со значително намален притисок е и Клиничкиот центар.

Градоначалникот на Општина Карпош Стевчо Јакимовски за САКАМДАКАЖАМ.МК вели дека станува збор за голем дефект и дека дел од улиците во населбата Влае се поплавени.

Од Градот Скопје нема никаква информација.

Од ЈП „Водовод и канализација“ информираа дека се работи за сериозен дефект на водоводна цевка Ф600мм. на улица Франце Прешерн.

„Поради дефектот без вода ќе биде голем дел од градот, а останатот дел од градот ќе биде со намален притисок. Водоснабдувањето ќе биде прекинато до завршување на работните активности“, соопштија доцна во недела од „Водовод и канализација’.

А. АНТЕВСКА