Турскиот претседател Реџеп Таип Ердоган предупреди дека Холандија “ќе ја плати цената” за наштетување на односите, откако на два негови министри им беше забранет влез во земјата. Ердоган рече: “Ние ќе ги научиме на меѓународната дипломатија.”
Двајцата министри, вчера беа спречени да се обратат на турски иселеници во Ротердам, при што еден од нив беше протеран до границата со Германија.
Холандската влада вели дека ваквите настани ќе ги подгреат тензиите кусо пред изборите во Холандија следната недела.
Турските министри се обидуваат да добијат поддршка од иселеничките гласачи на референдумот за проширување на претседателските овластувања во Турција.
Фатма Бетун Сајал Каја, министерка за семејство на Турција, вчера пристигна по сувоземен пат, но не и беше дозволен влез во конзулатот во Ротердам и беше однесена до германската граница од холандската полиција. Министерот за надворешни работи Мевлут Чавушоглу се обидел да слета, но му бил одбиен влез.
Фатма Бетун Сајал Каја, министерка за семејство на Турција, вчера пристигна по сувоземен пат, но не и беше дозволен влез во конзулатот во Ротердам и беше однесена до германската граница од холандската полиција
Водени топови и полицајци на коњи беа распоредени за да ги растераат околу 1.000 луѓе кои протестираа пред турскиот конзулат во Ротердам во текот на ноќта. Протести се одржаа денес и пред холандскиот конзулат во Истанбул, каде што знамето на Холандија беше заменето со турско еден, но подоцна беше отстрането.
Министерството за надворешни работи на Холандија одговори велејќи дека турските власти се одговорни за безбедноста на холандски дипломати во Турција.
Говорејќи на церемонијата на доделување награди во Истанбул денес, Ердоган рече за Холандија: “Тие секако ќе ја платат цената, и исто така ќе научат што е дипломатија”.
Обвинувајќи дека холандската влада постапила на “дрзок начин”, тој рече: “Холандијо! Ако ги жртвуваш турско-холандските односи за доброто на изборите в среда, ќе ја платиш цената!”.
Заканувајќи се дека самиот ќе патува во странство на собирите, тој додаде: “Западот јасно го покажа својот вистински лик во последните неколку дена. Она што го видовме … е јасна манифестација на исламофобија“.
Но, тој се заблагодари на Франција што му дозволи на Чавушоглу да дојде во северниот град Мец за денеска да се обрати на митингот и рече: “Франција не беше излажана од такви игри”.
Француските власти изјавија дека собирот беше дозволен бидејќи тоа не претставува закана за јавниот ред и мир, а францускиот министер за надворешни работи ја повика Турција да се избегнат провокации.
