Во општините Охрид и Ново Село каде покрај претседателските избори вчера во вториот круг се избираше и градоначалник, победија кандидатите на СДСМ, а ВМРО-ДПМНЕ освои повеќе гласови во изборот за претседател.
Во Општина Охрид претседателскиот кандидат на СДСМ и коалицијата освои 14.107 гласови, а Гордана Силјановска Давкова од ВМРО-ДПМНЕ 15.127 односно 1.020 гласови повеќе. Новиот градоначалник на Охрид од СДСМ Константин Георгиевски пак го победи неговиот противкандидат од ВМРО-ДПМНЕ Митре Милошевски со 3.855 гласови разлика. Георгиевски освои 16.523 гласови, а Милошевски 12.668.
Во Општина Ново Село новиот градоначалник од СДСМ Никола Андонов победи со 19 гласови повеќе наспроти кандидатот на ВМРО-ДПМНЕ Николче Стоилков. Андонов освои 2.885 гласови, а Стоилков 2.866. На изборите пак за претседател Силјановска Давкова освои 3.208 гласови, а Пендаровски 2.571 или 637 гласови помалку.
А. АНТЕВСКА
