ДВАЈЦА ВО ДРЖАВЕН КАРАНТИН ВО ОХРИДСКИ ХОТЕЛ КАЗНЕТИ ОТИ ОТИШЛЕ НА МУЗИКА КАЈ ДРУГ ВО СОБА

    ДВАЈЦА ВО ДРЖАВЕН КАРАНТИН ВО ОХРИДСКИ ХОТЕЛ КАЗНЕТИ ОТИ ОТИШЛЕ НА МУЗИКА КАЈ ДРУГ ВО СОБАНа подрачјето на СВР Охрид, регистрирани се вкупно 503 лицa што се под задолжителна мерка државен карантин, од кои во Охрид 202, а Струга 301, кои се сместени во четири сместувачки објекти, велат од СВР Охрид. (Фото: Ѓ. Личовски)

    Двајца сместени во државен карантин заради заштита од коронавирус во хотел во Охрид се казнети оти отишле во друга соба да слушаат музика. Двајцата, едниот од Битола, а другот од Кавадарци, од својата соба отишле во собата на лице од Берово.

    „Полицискиот службеник најпрво ги предупредил, а потоа ги вратил во нивните соби. Против сите три лица е поднесена кривична пријава во согласност со членот 206 од Кривичниот закон – непостапување според здравствени прописи за време на епидемија“, кажа портпаролот на СВР Охрид Стефан Димоски.

    На подрачјето на СВР Охрид, регистрирани се вкупно 503 лицa што се под задолжителна мерка државен карантин, од кои во Охрид 202, а Струга 301, кои се сместени во четири сместувачки објекти, велат од СВР Охрид.

    Д. ЧУБРИЌ

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира