Надгробен крст со името на лидерот на СДСМ Зоран Заев носеа двајца битолчани кои вечерва во Битола ја славеа победата на ВМРО-ДПМНЕ. На крстот беа напишани датумот на раѓање на Заев 1974 година, а како датум на смрт 2016 година.

Фотографијата е направена во близина на Општинскиот комитет на ВМРО -ДПМНЕ. Нејзиното објавување на Фејсбук предизвика бројни коментари, меѓу кои се посочува дека едното од лицата наводно е воспитно-образован работник во битолско училиште.

Припадниците на ВМРО-ДПМНЕ во понеделникот славеа низ Битола, по прославата на СДСМ од неделата, поради поголемиот број освоени гласови од ВМРО-ДПМНЕ.