Градоначалникот на Општина Карпош Сотир Лукровски, кој по два месеца денеска се врати на работа, вели дека не биле точни информациите оти земал лажно боледување и дека се откажал од градоначалничката фунцкија. Тој денеска преку својот фејсбук профил најави дека се вратил на работа и објави фотографија со досегашниот заменик-градоначалник Неделчо Крстевски и претседателот на Советот на Општина Карпош Христо Саракиниов.

Лукровски не одговараше на нашите телефонски повици. Откако е дојден на функцијата, како градоначалник од редовите на ВМРО-ДПМНЕ, тој не контактира со медиуми, ниту досега има одржано прес-конференција или брифинг со новинари.

• ГРАДОНАЧАЛНИКОТ НА КАРПОШ ЛУКРОВСКИ СЕ ВРАТИ НА РАБОТА ПО ДВА МЕСЕЦА БОЛЕДУВАЊЕ
• НА ЛУКРОВСКИ ЛАЖНОТО БОЛЕДУВАЊЕ МУ ЗАВРШИ НА 30 МАЈ, ТРЕБА ДА ДОБИЕ ОТКАЗ ОТИ ТРИ ПОСЛЕДОВАТЕЛНИ ДЕНА НЕ Е НА РАБОТА, РЕЧЕ ЈАКИМОВСКИ
• ЛУКРОВСКИ МОРА ДА МИРУВА, РЕЧЕ МИЦКОСКИ ЗА БОЛЕДУВАЊЕТО НА ГРАДОНАЧАЛНИКОТ НА КАРПОШ

„Ова враќање за мене не претставува само продолжување на професионалните обврски, туку и лична победа над здравствените предизвици со кои се соочив во изминатиот период. Од срце му благодарам на премиерот Христијан Мицкоски за човечноста, поддршката и помошта во мојата борба. Најодговорно сакам да ги демантирам сите шпекулации и лаги врзани за моето име, згрозен сум од начинот со кој што одредени поединци и партии пробаа да дојдат до евтини политички поени на сметка на мојата состојба. Само оние кои недоволно ме познаваат може да поверуваат дека сум се откажал. Сега, по божја волја, се враќам со нова енергија“, напиша Лукровски.

• ЛУКРОВСКИ Е НА ШОПИНГ-ТЕРАПИЈА, РЕЧЕ ЈАКИМОВСКИ И ГО ПОВИКА КЛЕКОВСКИ ДА ГИ ПРОВЕРИ КАМЕРИТЕ ВО „СИТИ МОЛ“ ЗА БОЛЕДУВАЊЕТО НА ГРАДОНАЧАЛНИКОТ НА КАРПОШ
• САМО РАБОТОДАВАЧОТ ЛУКРОВСКИ МОЖЕ ДА ПРОВЕРИ ВО ФЗО ДАЛИ Е ЛАЖНО БОЛЕДУВАЊЕТО НА ГРАДОНАЧАЛНИКОТ ЛУКРОВСКИ

Лукровски беше на боледување од 7 мај, а го заменуваше заменик-градоначалникот Неделчо Крстевски, кој е член на Советот на Општина Карпош од редовите на ВМРО-ДПМНЕ. Крстевски се појавуваше на сите настани поврзани со работата на Општината, а одржуваше и прес-конференции.

Откако Лукровски замина на боледување, ексградоначалникот на Општина Карпош Стевчо Јакимовски тврдеше дека тој не е болен туку не сака да ја врши функција, сакал да си поднесе оставка, но од ВМРО-ДПМНЕ не му дозволувале. На 26 мај, тој на прес-конференција изјави дека Лукровски боледува од неработење и неодговорност и оти се шета низ трговскиот центар „Сити мол“ додека му трае боледувањето.

Премиерот Христијан Мицкоски на 6 јуни изјави дека здравствената состојба на Лукровски, бара мирување.

Лукровски на Локалните избори во октомври 2025 како кандидат на ВМРО-ДПМНЕ го победи тогашниот актуелен градоначалник Стевчо Јакимовски од ГРОМ.

А. АНТЕВСКА