Кандидатот за градоначалник на Куманово од ВМРО-ДПМНЕ, актерот Тони Михајловски е позитивен на ковид-19. Тој информацијата вечерва ја сподели со јавноста преку видеопорака на Фејсбук. Тој објави дека е вакциниран и ги почитувал сите мерките за заштита на здравјето, но сепак се заразил.
„Почитувани пријатели, за жал, мора да ве известам дека ќе бидам во 10-дневна изолација, бидејќи на моето денешно тестирање од ковид-19 излегов позитивен, иако ги почитував сите мерки и протоколи, сепак дојде до оваа несакана ситуација, само се надевам дека нема да ескалира“, кажа Михајловски.
Тој го поздрави својот тим кој е на терен во изборната кампања и му кажа дека на локалните избори на 17 октомври ќе извојуваат „голема победа која што Куманово ја заслужува“.
С. НИКОЛИЌ
