Во дворот на Владата синоќа се прославуваше Денот на независноста 8 Септември, а меѓу граѓаните на платото кај споменикот на ослободителите на Скопје го затекнавме и Војче Китановски. Познатиот хуморист не беше тешко да се забележи, бидејќи ги пречекуваше граѓаните облечен како Тито.

„Македонци, дојде Тито да ви го честита празникот 8 Септември“, им велеше Китановски на граѓаните кои влегуваа во дворот на Владата и голем број од нив застануваа и се сликаа со него, а тој ги поздравуваше како маршалот.

Голем број од гостите на прославата застануваа и се сликаа со Војче Китановски, а тој ги поздравуваше како маршалот.

„Тито е мој идол. Ова е прва прослава на Денот на независноста на која што се појавувам како Тито. Изминативе 10 години не беше безбедно да се појавам на прославите. Лани бев во Јајце на одбележувањето на 73-годишнината од АВНОЈ, каде што сме признати како држава. Во јуни ќе одам на одбележување на 75-годишнината од битката на Неретва да оддадам почит како на Тито, така и на загинатите”, ни изјави Китановски.

А. АНТЕВСКА