ТОА ШТО ГО ГЛЕДАМЕ НА НЕБОТО ДЕНОВИВЕ СЕ САТЕЛИТИТЕ ЗА ИНТЕРНЕТ НА ИЛОН МАСК

    ТОА ШТО ГО ГЛЕДАМЕ НА НЕБОТО ДЕНОВИВЕ СЕ САТЕЛИТИТЕ ЗА ИНТЕРНЕТ НА ИЛОН МАСКПланирано е лансирањата да се изведуваат на секои две недели додека не се создаде констелација од 12.000 сателити (Фото: ЕПА)

    Мистериозните светлечки траги што изминатите денови можеа да се видат и на небото над Македонија се телекомуникациските сателити „старлинк“, што речиси една година ги лансира „СпејсЕкс“, компанијата на американскиот милијардер Илон Маск.

    Првата серија од 60 сателити беше лансирана во мај минатата година и целта на Маск е создавање констелација од илјадници мали сателити во вселената кои ќе овозможат целата Земја да биде покриена со интернет.

    Секој сателит е тежок 227 килограми и оваа констелација постепено ќе се надградува. Секој пат одеднаш ќе се лансираат по 60 сателити, кои, како што можеше да се види и деновиве, одат по небото еден по друг, оставајќи впечаток на воз.

    Маск почна да го развива проектот „Старлинк“ во 2015 година и неговата вредност се проценува на 10 милијарди долари.

    До 16 април, „СпејсЕкс“ лансирал 362 сателити и во план е тоа да се изведува на секои две недели. Констелацијата би требала да се состои од 12.000 сателити, што подоцна би можело да биде и проширено.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира