ДА НАЈДЕМЕ НАЧИН ДА СЕ ПОМИРИМЕ, АМА ДА НЕ ЈА УРНИСАМЕ ПРАВНАТА ДРЖАВА, ВЕЛИ ЗАЕВ

    ДА НАЈДЕМЕ НАЧИН ДА СЕ ПОМИРИМЕ, АМА ДА НЕ ЈА УРНИСАМЕ ПРАВНАТА ДРЖАВА, ВЕЛИ ЗАЕВНа прашањето дали напролет може да има заедно и вонредни парламентарни со претседателски избори, премиерот Зоран Заев рече дека далеку е отсега да се каже. - Премиерот Зоран Заев заедно со американскиот амбасадор Џес Бејли претпладнево го посетија археолошкиот локалитет Стоби (Фото: СДК.МК)

    Треба да најдеме начин да се помириме, но со барањето за амнестија за нападот во Собранието на 27 април 2016 година, не смееме да ја урнисаме правната држава, вели премиерот Зоран Заев.

    Премиерот Заев претпладнево беше во посета на археолошкиот локалитет Стоби, каде што беше промовирана завршената кршталница, изработена со донација од амбасадата на САД во Македонија.

    „Со барањето за амнестија,  не смееме да ја урнисаме правната држава. Европската унија го следи процесот на владеењето на првото во земјава. Правните реформи се најзначајните реформи и сè што правиме треба да биде на внимателен начин, така како што е дозволено, за да го предизвикаме и потврдиме националното помирување, а да не ја потопиме правната држава. Помирувањето не значи мешање во правосудството во Македонија. Чекорите, методот, начинот на национално обединување треба  да ги пронајдеме“ , одговори Заев на прашањето дали го прифаќа барањето на претседателот на ВМРО-ДПМНЕ Христијан Мицкоски за амнестија за 27 април.

    На прашањето дали напролет може да има заедно и вонредни парламентарни со претседателски избори, Заев рече дека далеку е отсега да се каже.

    „Може, ако некои големи фактори, моменти тоа го предизвикаат, но засега не. Верувам во полн мандат, заради бизнисот и граѓаните и по подолго време да имаме четиригодишен мандат“ , рече Заев.

    П. ПЕЧКОВ

     

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира