Рестораните и кафулињата ќе работат до 21 часот, освен за достава и шалтерска продажба на храна, одлучи Владата на денешната седница.

Новите мерки за спречување на ширењето на коронавирусот на Фејсбук ги објави премиерот Зоран Заев, кој вели и дека оваа одлука важи и за угостителските објекти на бензинските станици, а исклучени се угостителските објекти на ТАВ аеродромите во Скопје и Охрид.

Со новите мерки, забрането е и групирање на повеќе од 4 лица на јавен простор после 21 часот.

„Владата денеска усвои препорака за сите домашни и странски граѓани на територијата на Северна Македонија, после 21 часот да не се движат на јавен простор доколку немаат важни и неопходни потреби“, напиша премиерот Заев.

Б. НЕСТОРОСКА