Лидерот на Движењето Беса Биљал Касами денеска поднесе оставка како пратеник во Собранието и кажа дека го направил тоа за да стане градоначалник на Општина Тетово.

„Ја потпишав мојата оставка на функцијата пратеник во Собранието на Република Македонија. Ми беше чест речиси една година да им служам на албанските граѓани на Македонија и со задоволство денеска поднесов оставка да го прифатам новиот предизвик, да ја предводам Општина Тетово, да им служам на сите тетовци“, објави Касами на Фејсбук.

Противкандидати на Касами во Тетово ќе му бидат актуелната градоначалничка, Теута Арифи од ДУИ, Аднан Незир од Алијансата за Албанците, Бардуљ Даути од ДПА и Горан Манојловски од ВМРО-ДПМНЕ.