МПЦ НЕ ЗНАЕ ЗА АПСЕЊЕТО НА ПЕТАР ОТИ ВЛАДИЦИТЕ БИЛЕ НА ОДМОР

a:1:{s:9:"td_source";s:45:"Скопје,(САКАМДАКАЖАМ.МК)

    МПЦ НЕ ЗНАЕ ЗА АПСЕЊЕТО НА ПЕТАР ОТИ ВЛАДИЦИТЕ БИЛЕ НА ОДМОР

    Македонската православна црква (МПЦ) нема информации за апсењето на владиката Петар во Мелбурн, па поради тоа нема ниту став за овој настан. Портпаролот на Синодот на МПЦ, митрополитот дебарско-кичевски Тимотеј вели дека не може да го коментира настанот.

    „Нам не ни е познат овој настан. Едно е да се биде повикан на разгoвор, како што вели Владиката Петар, а друго се обвинувањата. Треба да го почитуваме златното правило за презумпција на невиност, не е виновен се додека не се докаже дека е виновен. Ние немаме официјални информации за тоа што навистина се случило. Јас не сум ги побарал, а не можам ниту да ви кажам дали некој друг од Синодот ги побарал оти сме на нешто како летен одмор“, вели отец Тимотеј.

    Во зависност од тоа дали и какво дело ќе се докаже, МПЦ ќе ја одредува и евентуалната казна за владиката Петар.

    Според австралиската полиција, владиката Петар минатата недела бил уапсен и испрашан во рамки на истрага за кражба и лажно сведочење. По испрашувањето бил ослободен и се чека продолжување на истрагата.

    Владиката Петар демантираше дека полицијата во Мелбурн го апсела. Рече дека бил на сослушување за кое претходно добил покана, а веста за неговото апсење била лага зад која стојат струмичкиот владика Наум и игуменот Гаврил, против кои се води постапка за расчинување.

     

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира