ОТКАЗ ОД ЦЕНТРАЛЕН РЕГИСТАР ЗА ЕМИЛ ЈАКИМОВСКИ КОЈ ИМ СЕ ЗАКАНУВАШЕ НА НОВИНАРКИ

    ОТКАЗ ОД ЦЕНТРАЛЕН РЕГИСТАР ЗА ЕМИЛ ЈАКИМОВСКИ КОЈ ИМ СЕ ЗАКАНУВАШЕ НА НОВИНАРКИ Директорката на Централен регистар Марија Бошковска Јанковски преку Фејсбук соопшти дека Јакимовски е отпуштен поради суштествени повреди на одредбите од Колективниот договор.(Фото: СДК.МК)

    Централен регистар го избрка од работа Емил Јакимовски- Гусар, кој изминатата недела им се закануваше и ги навредуваше новинарките Мери Јордановска од „А1ОН“ и Искра Коровешовска од „Алфа ТВ“, како и на градоначалникот на Кавадарци Митко Јанчев. Директорката на Централен регистар Марија Бошковска Јанковски преку Фејсбук соопшти дека Јакимовски е отпуштен поради суштествени повреди на одредбите од Колективниот договор.

    „Емил Јакимовски ги повредил и прекршил одредбите од неговиот Договорот за вработување според кои иако вработениот задолжително треба да го чува, сепак не го чувал угледот на работодавачот и не се воздржувал од сите постапки кои со оглед на природата на работата што ја врши се штетни или ги повредуваат интересите на работодавачот, професионално не се однесувал спрема другите вработени и странките, не ја респектирал хиерархијата и не се однесувал согласно Кодексот на однесување на работодавачот и пропишаните правила за ред и дисциплина кај работодавачот“, вели директорката Бошковска Јанковски.

    Викендов беше злоупотребена и Фејсбук страницата на Централен регистар за навреди за директорката и вработени во Централен регистар.

    „Страницата е искреирана уште пред 10 години од лицето Емил Јакимовски во времето кога тој бил раководител на Одделението за маркетинг и односи со јавност. Централен регистар на Република Северна Македонија се сомнева дека ова лице стои зад постовите кои се појавија на фан страната на социјалната мрежа Фејсбук во изминатото деноноќие. Овој случај исто така ќе биде пријавен до секторот за компјутерски криминал при МВР и воедно упатуваме апел истражните органи да го испитаат“, вели директорката.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира