СЕ ТЕСТИРААТ 14 МЕДИЦИНСКИ ЛИЦА И 4 ПАЦИЕНТИ ОД СКОПСКИОТ ЗАВОД ЗА РЕХАБИЛИТАЦИЈА ПО ПРВИОТ ЗАБОЛЕН ОД КОВИД-19 ОД ТЕТОВО

    СЕ ТЕСТИРААТ 14 МЕДИЦИНСКИ ЛИЦА И 4 ПАЦИЕНТИ ОД СКОПСКИОТ ЗАВОД ЗА РЕХАБИЛИТАЦИЈА ПО ПРВИОТ ЗАБОЛЕН ОД КОВИД-19 ОД ТЕТОВОВо земјава има вкупно 201 лице заразено од коронавирус, од кои три лица се излечени.(Фото: К. Попов)

    Првиот заболен пациент со коронавирус од Тетово, од 9 до 23 март бил во Заводот за рехабилитација во Скопје, а покачена телесна температура имал по доаѓањето во Тетово, кажа министерот за здравство Венко Филипче на редовната прес-конференција во Владата.

    После испитувањето во Центарот за јавно здравје Тетово и појавата на индикации за коронавирус бил испратен на лекување во Инфективната клиника во Скопје.

    „Со оглед на тоа дека пациентот бил неподвижен, за време на престојот во Заводот имал една посета. Тим од епидемиолози денес активно разговараше со тимот од Заводот, со 14 здравствени работници и 4 пациенти. Во овој период имало помал број на пациенти од стандардниот број. Ако порано имало 190 пациенти таму, сега имало 40. На семејството од десетина члена им е пристапено преку Центарот за јавно здравје од Тетово и сите се асимптоматични.

    Во зависност од резултатите со медицинскиот тим од Заводот во Капиштец и пациентите, ќе се постапи во иднина и ќе се направи стратегија за фунцкионирање на институцијата“, изјави Филипче.

    Во земјава има вкупно 201 лице заразено од коронавирус, од кои три лица се излечени.

    Б. НЕСТОРОСКА

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари