ШКАРИЌ: ИВАНОВ СО ПОДЛА ИГРА МУ ГИ ЗАРОБИ СВЕДОЦИТЕ НА СЈО

a:2:{s:11:"td_subtitle";s:339:"ПретседателотИвановништонегоспречува,акозагусти,повторнодагипомилуваовие22лицазакоиоценилдекасеполитичкиекспонирани,велипрофесоротпоуставноправоСветомирШкариќ";s:9:"td_source";s:45:"Скопје,(САКАМДАКАЖАМ.МК)

    ШКАРИЌ: ИВАНОВ СО ПОДЛА ИГРА МУ ГИ ЗАРОБИ СВЕДОЦИТЕ НА СЈО

    “Претседателот Ѓорге Иванов направи тешка манипулација и покажа врвна расипаност со најновата одлука да ја повлече аболицијата за само 22 граѓани, што според него се политички експонирани лица“, изјави за САКАМДАКАЖАМ.МК професорот по уставно право Светомир Шкариќ.

    „Тие што треба да сведочат, сега се заробени. Замолчени се. Остануваат аболирани и нив Специјалното јавно обвинителство не може да ги користи во истрагите против одмилуваните: Никола Груевски, Гордана Јанкулоска, Миле Јанакиески, Сашо Мијалков, Кирил Божиновски, Мартин Протоѓер, Тони Јакимовски, Коце Трајановски и останатите.  Тие што останаа помилувани се од рангот на убиениот сведок Коста Крпач“, предупредува професорот Шкариќ.

    Тој смета дека ова е една голема игра на групата околу Груевски, која се спроведува преку извршителот Иванов.

    “Групата и нивната игра се откриваат. Толку е подла и расипана што нема шанси за успех. Крајот се наѕира, шансите за успех се кај Специјалното обвинителство“, тврди Шкариќ.

    На прашање на САКАМДАКАЖАМ.МК дали Иванов може и натаму да си поигрува на дневна основа со аболицијата и дали може пак да ги помилува политички експонираните лица што ги одмилува во петокот на 27 мај, тој вели дека ако згусти, со оглед на најавите што ги даде претседателот кога првпат ги аболираше, тој пак може да ги помилува. „Останува неговата закана од 12 април, кога ги аболираше 56-те политичари и нивни соработници, а таа гласеше: Ако треба, одново ќе ги аболирам ако се отворат други постапки против нив“, вели професорот Шкариќ.

    “Овие постапки на Иванов, кои тој нема уставно право да ги врши, не се правно регулирани. Не би требало да ја оствари заканата пак да ги помилува истите функционери во наредни постапки што би ги отворило Специјалното обвинителство оти никаде нема правен основ за такво нешто. Но, претседателот нема ни ограничувања тоа да го оствари“, предупредува професорот по Уставно право Светомир Шкариќ.

    Според него, празнините во системот,  отсуството на уставно-судска контрола на актите на претседателот на државата, му го овозможуваат да ги прави овие манипулации со помилувањата.

    “Никаде во светот го нема овој пример. Оценките за постапките на Иванов треба да ги даде Уставниот суд. Но највисокиот суд е сопственост на партијата, на лидерот на ВМРО-ДПМНЕ Никола Груевски и неговата банда и затоа Иванов, како нивен послушник, штити криминалци без да одговара за тоа“, објаснува професор Шкариќ.

    Тој повторно се навраќа на толкувањето на Уставот што го даде веднаш по аболицијата од 12 април, кое никој не го зеде предвид.

    “Ако одлуката за аболиција се донесе врз основа на непостоечки член од Законот за помилување, а тоа е избришаниот член 11, СЈО и судовите би требало да ги одбиваат одлуките за помилување , бидејќи се ништовни и да се однесуваат како никогаш да не се донесени. Требаше обвинителството и судството да прифатат од почеток дека одлуките на претседателот не се засновани врз законот и да продолжат да ги тераат постапките против незаконски помилуваните лица“, останува Шкариќ на својот став.

     

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира

    Коментари