Судијата од Апелациониот суд Гостивар и член на Судскиот совет Зоран Теофиловски, по 24 часа бегство, утринава самиот се пријавил кај судијата Седат Реџепагиќ во Основниот суд Скопје 1. Обвинителството за организиран криминал и корупција вчера отвори истрага за нелегална приватизација и легализација на државен имот во Тетово, при што уапсени беа пет службени лица од Општина Тетово.
Теофиловски, кој е првоосомничен, полицијата не го најде дома. Беше најавено и распишување потерница по него.
Обвинителството бараше притвор за сите пет лица, а судијата Реџепагиќ им одреди куќен притвор. Групата, на чело со судијата Теофиловски, со серија незаконски дејства го оштетила државниот Буџет за 860.000 евра.
Теофиловски за барањето на обвинителот за притвор од 30 дена, се повикал на судискиот имунитет. Судијата со писмо го известил Судскиот совет, кој треба веднаш да одржи седница и со гласање да биде одлучено за имунитетот, т.е. за притворот на нивниот колега, осомничен за потежок криминал.
- ОБВИНИТЕЛСТВОТО ЌЕ БАРА ПРИТВОР ЗА СУДИЈАТА ТЕОФИЛОВСКИ, ЧЛЕН НА СУДСКИОТ СОВЕТ, ДРЖАВАТА ЈА ОШТЕТИЛ ЗА 860.000 ЕВРА
- НА БАРАЊЕ НА ОБВИНИТЕЛ ЗА ПРИТВОР, СУДИЈА НА ПРЕТХОДНА ПОСТАПКА НА ТЕТОВСКИТЕ ОПШТИНАРИ ИМ ОДРЕДИЛ КУЌЕН ПРИТВОР, СУДИЈАТА ТЕОФИЛОВСКИ И НАТАМУ ВО БЕГСТВО
С. К. ДЕЛЕВСКА
