ЗА ИЗБОРЕН КРИМИНАЛ СЕ ОДИ В ЗАТВОР, ВО ОБВИНИТЕЛСТВО ПРИЈАВЕТЕ КРИВИЧНИ ДЕЛА ПОВРЗАНИ СО ИЗБОРИТЕ

Јавното обвинителство пред одржувањето на вториот круг од локалните избори ги повика граѓаните и политичките партии да се воздржат од правење кривични поврзани со изборите и ги предупреди на последиците

Истовремено граѓаните се охрабруваат да пријават сомнителни нерегуларности. Ако граѓаните приметат дека граѓанските организации, лидерите и членовите на политичките партии како и поединци прават кривични дела поврзани со изборите се охрабруваат да пријават на е-пошта: [email protected] во Привремена комисија за следење на изборните неправилности при Јавното обвинителство.

Привремена комисија за следење на изборните неправилности при Јавното обвинителство ги наведува кривичните за кои може да се одговара:

Поткуп при избори и гласање за кое е предвидена казна затвор од најмалку пет години. Обвинителството укажува дека дури и кога користа е од помала вредност, сторителот согласно законот ќе се казни со парична казна или со казна затвор до една година.
Повреда на тајноста на гласањето за кое е предвидена казна затвор од најмалку три години. Доколку делото е сторено од страна на член на изборен орган или друго службено лице во вршењето на службата во врска со изборите или гласањето, предвидената казна затвор е најмалку 5 години. Ова се однесува и на лице кое со употреба на сила, сериозна закана, искористување на службената, работната или економската зависност и на друг начин, ќе издејствува од друг да каже дали и како гласал.
Неовластеното прислушување и тонско снимање се казнува со казна затвор од една до пет години и тоа за лице кое со употреба на посебни уреди неовластено прислушкува или тонски снима разговор или изјава што не му е наменета, лице кое ќе овозможи на неповикано лице да се запознае со разговор или изјава која е прислушкувана или тонски снимана, како и лице кое ќе сними изјава која му е наменета, без знаење на оној кој ја дава, со намера да ја злоупотреби или да ја пренесе врз трети лица или тој што таквата изјава непосредно ја пренесува врз трети лица.